Hinggil sa CRIHinggil sa Serbisyo Filipino
   

Komentaryo: mapoprotektahan ba ang mga mamamayang Amerikano sa pagpapataw ng taripa ng Amerika?

(GMT+08:00) 2018-08-09 11:08:36       CRI

Makaraang ipatalastas noong Hulyo 6 ang pagpapataw ng 25% taripa sa mga inaangkat na paninda mula sa Tsina na nagkakahalaga ng 34 na bilyong U.S. dollars, noong Agosto 7 (local time), inilabas ng Opisina ng Kinatawang Pangkalakalan ng Amerika ang listahan ng 16 bilyong dolyares na inaangkat na produkto mula sa Tsina na papatawan ng 25% taripa na magkakabisa sa Agosto 23.

Bilang tugon, ipinatalastas kagabi ng Konseho ng Estado o Gabinete ng Tsina ang kasabay na pagpapataw ng 25% taripa sa parehong halaga ng mga produktong Amerikano.

Pahayag ng tagapagsalita ng Ministri ng Komersyo ng Tsina

Sinabi ng tagapagsalita ng Ministri ng Komersyo ng Tsina na ginawa ng bansa ang nasabing katugong hakbangin para mapangalagaan ang sariling makatwirang karapatan at multilateral na sistemang pangkalakalan.

Ayon sa panig Amerikano, isa sa dahilan ng paglunsad nito ng "digmaang pangkalakalan" ay protektahan ang pambansang seguridad, tulungan ang industriya ng paggawa ng Amerika na umahon, at lumikha ng mas maraming trabaho para sa mga mamamayang Amerikano. Pero, parang taliwas sa inaasahan ang mga resulta.

Halimbawa, bago ipinatalastas ang nasabing listahan ng 16 bilyong dolyares na produktong Tsino na papatawan ng 25% taripa, idinaos ng Tanggapan ng Kinatawang Pangkalakalan ng Amerika ang pagdinig. 82 kinatawang Amerikano mula sa iba't ibang larangan na gaya ng sektor na kemikal, elektroniks, photovoltaic sector at iba pa. Anim lamang sa kanila ang sumang-ayong magpataw ng taripa, dahil nangangamba ang karamihan sa kanila na ang pagpapataw ng taripa ay mauuwi sa pagtaas ng cost ng mga bahay-kalakal na Amerikano, pagtaas ng unemployment rate, at pagbagsak ng mga katamtaman at maliliit na bahay-kalakal na Amerikano, bagay na makakapinsala sa kabuuang kabuhayan ng Amerika.

Gayunpaman, kataka-takang muling nagpasiya ang pamahalaang Amerikano ng pagpapataw ng taripa.

Ipinatalastas Agosto 6 ng Element Electronics ng Amerika na isasara nito ang pabrika ng TV sa South Carolina pagkaraan ng dalawang buwan dahil tumataas ang cost nito dulot ng ipinataw na taripa sa mga pangunahing piyesa ng TV. Ayon naman sa Peterson Institute for International Economics, kung magpapataw ang Amerika ng 25% taripa sa sasakyang-de-mortor sa buong daigdig, 195,000 Amerikano ang mawawalan ng trabaho sa loob ng isa hanggang tatlong taon, at kung magsasagawa ang ibang bansa ng mga katugong hakbangin, 624,000 trabaho ang babawasan sa Amerika.

Ayon sa survey na ipinalabas ng Federal Reserve Bank of Atlanta, dahil sa pagkabahala sa taripa, 1/5 ng mga bahay-kalakal na Amerikano ang kailangang muling magtasa, magpaliban o magtakwil ng kanilang plano ng pamumuhunan. Anang nasabing bangko, sa kasakuluyan, ang industriya ng paggawa ang pangunahing naaapektuhan ng alitang pangkalakalan ng Amerika at ibang bansa, pero kung lalala ang situwasyan, mas maraming industriya ang maaapektahan.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>