Hinggil sa CRIHinggil sa Serbisyo Filipino
   

Sandiganbayan, nagsabing ang P 74 bilyong coconut levy ay pag-aari ng pamahalaan

(GMT+08:00) 2018-08-10 16:55:45       CRI

NAGDESISYON ang Sandiganbayan na ang tinatayang P 74 bilyong assets ng Coconut Industry Investment Fund ay pag-aari ng pamahalaan at nararapat ipamahagi sa mga magsasaka ng niyog.

Napapaloob sa isang resolusyong may petsang ikapito ng Agosto, sinabi ng Second Division ng Sandiganbayan na nagpapawalang-saysay sa naunang desisyon noong nakalipas na taon na nagsabing kailangan pa ng dagdag na pagdinig sa kasong sibil ng United Coconut Planters Bank at Coconut Planters Life Assurance Corporation sa pagsangayon sa motion for reconsideration ng pamahalaan.

Noong 2014, sinabi ng Korte Suprema sa sang-ayon sila sa desisyon ng Sandiganbayan na naggagawad ng pag-aari sa coconut levy funds sa pamahalaan.

Unang nag-utos ang Sandiganbayan sa pamamagitan ng writ of partial execution na nag-aatas na ang kahat ng kinita ng may 20 kumpanya ng CIIF at ng 753 milyong preferred shares ng San Miguel Corporation upang magamit ng coconut industry.

Na sa pag-iingat na ng Ingatyaman ng pamahalaan ang P 74 bilyong coconut levy funds subalit sinabi ng Presidential Commission on Good Government na mayroon pang bilyun-bilyong pisong hindi pa nababawi. Bagama't wala nang hahadlang sa pamamahagi ng coconut levy funds para sa mga magsasaka, kailangan pang magkaroon ng batas upang makabuo ng isang trust fund para sa mga magniniyog.

Pasado na sa bicameral conference committee ang isang panukalang batas na naglalaan ng P 100 bilyong coconut levy trust fund na magagamit sa loob ng 25 taon upang pakinabangan ng may 3.5 milyong magniniyog sa bansa. Ang salapi ay ibibili ng Treasury bills at pangangasiwaan ng Philippine Coconut Authority.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>