Hinggil sa CRIHinggil sa Serbisyo Filipino
   

Amnesty ni Senador Trillanes, pinawalang-saysay ni Pangulong Duterte

(GMT+08:00) 2018-09-05 10:04:58       CRI

PINAWALANG-BISA ni Pangulong Rodrigo Duterte ang amnesty na iginawad ni Pangulong Benigno Simeon C. Aquino III may walong taon na ang nakalilipas kay Senador Antonio Trillanes IV. Ayon sa Proclamation NO. 572, hindi tumupad si Senador Trillanes sa itinatadhana ng kanyang amnesty noong 2011.

Nilagdaan ni Pangulong Duterte ang proklamasyon noong nakalipas na ika-31 ng Agosto, dalawang araw bago siya lumisan patungong Israel. Sinabi ni Justice Secretary Menardo Guevarra na siyang hinirang na tagapangalaga ng pamahalaan samantalang nasa ibang bansa ang pangulo na ipatutupad na kaagad ang kautusan.

Ipinadarakip na si Senador Trillanes at ipinadadala sa dating pinagpiitan hanggang hindi natatapos ang mga usapin. Nakarating na ang may 40 tauhan ng Armed Forces of the Philippines at Philippine National Police at nakipag-usap na sa Senate of the Philippines Sergeant-At-Arms.

Inutusan din ni Pangulong Duterte sa pamamagitan ng Proclamation No. 572 ang Department of Justice at ang Armed Forces of the Philippines na ituloy ang lahat ng mga usapin lahan sa dating Navy Lt. Senior Grade na nasangkot sa Oakwood Mutiny at sa Manila Peninsula Hotel incident noong panahon ni Pangulong Gloria Macapagal-Arroyo.

Samantala, hindi naman nadakip ng mga alagad ng batas si Senador Trillanes sapagkat napagkasunduan ng mga senador na pansamantalang mamalagi na lamang ang senador sa kanilang gusali samantalang kumikilos ang kanyang mga abogado sa hakbang na legal upang mapanatiling malaya ang mambabatas.

Sa kanyang pahayag, sinabi naman ni Senador Trillanes na walang nakabimbing usapin laban sa kanya sa mga hukuman at maging sa military court martial. Nakatugon siya sa mga hinihiling upang maibigay ang amnesty. Nakapanumpa pa umano siya ng katapatan sa pamahalaan sa harap ni noo'y Defense Secretary Voltaire Gazmin.

Idinagdag pa ng mambabatas na politika lamang ang nagaganap sapagkat patuloy niyang pinupuna ang liderato ni Pangulong Duterte.

Nanatili si Senador Trillanes sa Senado sa ilalim ng pangangalaga ni Senate President Vicente Sotto III sapagkat mayroon ding probisyong walang sinumang kasapi ng Kongreso na madarakip samantalang may sesyon ang legislatura.

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>