Pagkaraan ng pagpipinid ng 2018 Beijing Summit ng Forum on China-Africa Cooperation (FOCAC), kinatagpo ang mga mamamahayag nina Xi Jinping, Pangulo ng Tsina, Matamela Cyril Ramaphosa, Pangulo ng Timog Aprika, dating bansang tagapangulo ng FOCAC, at Macky Sall, Pangulo ng Senegal, bagong bansang tagapangulo ng FOCAC.
Tinukoy ni Xi na sinang-ayunan ng mga kalahok na lider ng FOCAC na magkasamang lumilikha ng komunidad ng pinagbabahagiang kinabukasan. Batay sa mga pinagtibay na dokumento dapat pahigpitin ang pag-uugnay ng mga estratehiya at koordinasyon ng patakaran, pasulungin ang kooperasyon ng Belt and Road Initiative (BRI), isagawa ang "walong inisyatiba" sa darating na tatlong taon at hinaharap para mapalakas ang kanilang kooperasyon sa mga aspektong kinabibilangan ng kaunlarang industriyal, konektibidad sa imprastuktura, pagpapaginhawa ng kalakalan, berdeng kaunlaran pagpapasulong ng kakayahan, pangangalaga sa kalusugan, pagpapalitan ng mga tao at kapayapaan at seguridad.
Binigyan-diin ni Xi na ang kooperasyon ng Tsina at Aprika ay laging sumusunod sa prinsipyong may mutuwal na kapakinapangan at win-win situation, pagbubukas at pagiging inkensibo. Aniya, umaasa siyang igagalang ng komunidad ng daigdig ang soberanya, opiniyon, at paninindigan ng mga bansang Aprikano, at dapat tupdin ang mga pangako.
Ani Xi, dapat komprehensibo at mabisang isakatuparan ang mga bunga ng Beijing Summit ng FOCAC para magbigay-benepisyo sa mga mamamayan.
Ipinahayag naman nina Ramaphosa at Sall ang pasasalamat sa Tsina para sa matagumpay na pagdaos ng Beijing Summit ng FOCAC. Ipinahayag nilang nakahanda ang Aprika na magsikap para palalimin ang komprehensibong estratehikong partnership ng Aprika at Tsina, magkakasamang pasulungin ang BRI, aktuwal na isakatuparan ang mga bagong hakbanging pangkooperasyon, para lumikha ng mas mahigpit na komunidad ng pinagbabahagiang kinabukasan ng Aprika at Tsina.
salin:Lele