Sa porum ng Tsina at Association of Southeast Asian Nations (ASEAN) hinggil sa kooperasyong pangkapaligiran na idinaos kahapon, Martes, ika-11 ng Setyembre 2018, sa Nanning, pormal na naisasaoperasyon ang plataporma ng pagbabahagi ng mga impormasyong pangkapaligiran ng Tsina at ASEAN.
Sa pamamagitan ng platapormang ito, palalalimin ng Tsina at ASEAN ang kooperasyon sa aspekto ng environmental big data, para pasulungin ang inobasyon at win-win situation sa pangangalaga sa ekolohiya at kapaligiran.
Ayon pa rin sa salaysay, sa kasalukuyan, binuksan na ang website ng naturang plataporma, nabuo ang working group nito, at itinakda ang konkretong plano ng pagsasaoperasyon ng plataporma.
Salin: Liu Kai