Hinggil sa CRIHinggil sa Serbisyo Filipino
   

Relasyong Sino-Ruso, ibayo pang susulong sa kabila ng pagbabagong pandaigdig

(GMT+08:00) 2018-09-12 10:31:51       CRI

Vladivostok, Rusya--Nagtagpo sina dumadalaw na Pangulong Xi Jinping ng Tsina at Pangulong Vladimir Putin ng Rusya, sa sidelines ng idinaraos na Eastern Economic Forum (EEF). Nangako ang dalawang lider na ibayo pang pasulungin ang relasyong Sino-Ruso sa kabila ng pagbabagong pandaigdig.

Nakahanda rin silang palalimin ang pag-uugnayan at pagtutulungan ng dalawang bansa hinggil sa Belt and Road Initiative (BRI) at Eurasian Economic Union (EEU); palawakin ang kooperasyon sa enerhiya, agrikultura, pinansya, kalawakan, inobasyong pansiyensiya't panteknolohiya, e-commerce, pagpapalitan ng mga tao, at iba pa; patuparin ang mga pangunahing proyekto; at pasiglahin ang pagtutulungan ng mga pamahalaang lokal.

Nagkaisa rin ang dalawang lider na palakasin ang koordinasyon sa mga suliraning pandaigdig, at tutulan ang unilateralismo para mapangalagaan ang kaayusang pandaigdig at maisakatuparan ang komong kaunlaran.

Pagkatapos ng pagtatagpo, tumayong-saksi ang dalawang pangulo sa paglalagda ng serye ng bilateral na dokumentong pangkooperasyon at magkasamang humarap sa mga mamamahayag.

Dumalo rin nang araw ring iyon sina Xi at Putin sa roundtable meeting hinggil sa kooperasyong panrehiyon ng dalawang bansa.

Salin: Jade

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>