Binuksan Setyembre 26, 2018 sa Phnom Penh, Kambodya ang pulong ng Boao Forum for Asia (BFA).
Ang tema ng pulong ay: "Paghahangad ng Kaunlaran at Pagpapasulong ng Win-win Cooperation."
Dumalo sa pagtitipon sina Pangalawang Punong Ministro Hor Nam Hong ng Kambodya, Pangkalahatang Kalihim Li Baodong ng BFA, at mahigit 200 kinatawan mula sa ibat-ibang sirkulo.
Tinalakay ng mga kalahok ang hinggil sa pagtutulungang pandaigdig sa ilalim ng balangkas ng Belt and Road, ugnayan ng Belt and Road at pambansang estratehiyang pangkaunlaran ng Kambodya, at pagpapahigpit ng kooperasyon sa pagitan ng Tsina at ASEAN at Tsina at Kambodya sa ibat-ibang larangan.