Inilabas kamakailan ng South Center, isang organisasyong pandaigdig ng mga umuunlad na bansa, na nakabase sa Geneva, Switzerland, ang ulat ng pananaliksik ng Section 301 ng Trade Act ng Amerika. Anang ulat, ang seksyong ito ay labag sa mga tuntunin ng World Trade Organization (WTO), salungat sa multilateralismo, at negatibo sa kabuhayang pandaigdig.
Ayon kay Carlos Maria Correa, Managing Director ng South Center, ipinakikita ng naturang ulat, na ang pagsasagawa ng Amerika ng Section 301 Investigation ay sumusunod sa mga pamantayan ng bansang ito, sa halip na ng WTO, at ang mga hakbangin ng panig Amerikano batay dito, ay nagbabanta sa multilateral na sistemang pangkalakalan.
Tinukoy din ng ulat, na ang tunay na motibo ng Amerika sa likod ng Section 301 ay walang kinalaman sa kalakalan, at ito ay paghahadlang ng Amerika sa pag-unlad ng industriya at teknolohiya ng ibang bansa.
Salin: Liu Kai