Hinggil sa CRIHinggil sa Serbisyo Filipino
   

Tsina, hiniling ang panlahatang pangangasiwa sa badyet ng UN

(GMT+08:00) 2018-10-11 11:49:29       CRI

Sa Pulong ng Ika-5 Komite o Komiteng Administratibo at Pambadyet ng Pangkalahatang Asemblea ng United Nations (UNGA) nitong Martes, Oktubre 9, hiniling ni Ma Zhaoxu, Embahador ng Tsina sa UN ang panlahatang pangangasiwa sa badyet ng UN.

Si Embahador Ma Zhaoxu (gitna) sa pulong (Xinhua/Li Muzi)

Kabilang sa agenda ng nabanggit na pulong ay kontribusyon ng bawat miyembrong bansa sa regular na badyet, badyet para sa mga operasyong pamayapa ng UN, at iba pa, para sa taong 2019 hanggang 2021.

Kaugnay ng bayad ng mga kasapi, inilahad ni Ma na dapat ipagpatuloy ang prinsipyo ng kakayahan sa pagbabayad o "capacity-to-pay," bilang pundasyon sa pagtasa. Sa kasalukuyan, may depekto pa rin sa pamamaran ng pagkalkula dahil pinaglalabo nito ang pagkakaiba sa pagitan ng mga umuunlad na bansa at maunlad na bansa, diin niya.

Hinggil naman sa badyet sa mga operasyong pamayapa, ipinahayag ni Ma ang pagkatig ng Tsina sa prinsipyo ng "kolektibong responsibilidad at espesyal na responsibilidad."

Idinagdag pa ni Ma na binayaran na ng Tsina ang lahat ng tinayang kontribusyon sa UN para sa taong 2018, bilang pagsuporta sa UN. Ayon sa pagtaya ng Sekretaryat ng UN, malaking tataas ang tinayang ambag ng Tsina para sa badyet ng UN mula 2019 hanggang 2021. Bilang tugon, ipinagdiinan ng sugong Tsino na sa kabila ng mabilis na pag-unlad, nananatili pa ring umuunlad na bansa ang Tsina na nahahanay sa ika-70 puwesto sa daigdig pagdating sa per capita Gross Domestic Product (GDP).

Salin: Jade
Pulido: Rhio

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>