Sa pamamagitan ng telepono, nag-usap, ika-10 ng Oktubre, 2018, sina Wang Yi, Kasangguni ng Estado at Ministrong Panlabas ng Tsina at Chrystia Freeland, Ministrong Panlabas ng Kanada.
Ipinaalam ni Freeland ang hinggil sa pagkakalagda ng Kasunduan sa Malayang Kalakalan ng Kanada, Amerika at Mexico. Aniya, ang mga kasunduan ng malayang kalakalan ay dapat bukas at inklusibo, at ang kanilang kasunduan ay hindi dapat makapinsala sa interes ng iba pang bansa.
Ipinahayag ni Wang na laging tumatalima ang Tsina sa malayang kalakalan. Naninindigan aniya ang Tsina sa pangangalaga ng multilateral na mekanismo ng kalakalan kung saan ang nukleo ay World Trade Organization. Aniya pa, tinututulan ng Tsina ang proteksyonismo sa anumang porma at anumang aksyong batay sa "double standard."
salin:Lele