Ipinahayag Oktubre 11, 2018, ni Lu Kang, Tagapagsalita ng Ministring Panlabas ng Tsina na pinapurihan ng Tsina ang paninindigan ng Kanada hinggil sa Kasunduan sa Malayang Kalakalan ng Estados Unidos, Mexico at Kanada (USMCA) na hindi dapat ito makapinsala sa interes ng iba pang bansa. Inulit pa niyang, tinututulan ng Tsina ang proteksyonismo sa anumang porma at anumang aksyon batay sa "double standard."
Nag-usap kamakailan sina Wang Yi, Kasangguni ng Estado at Ministrong Panlabas ng Tsina at Chrystia Freeland, Ministrong Panlabas ng Kanada sa pamamagitan ng telepono. Ipinaalam ni Freeland ang kalagayan hinggil sa USMCA. Aniya, nagpasiya ang kanyang bansa na isulong ang talastasan ng malayang kalakalan sa iba pang mga bansa batay sa sariling kalagayan.
salin:Lele