Sa kanyang panayam sa Euractiv, media platform ng Unyong Europeo (EU), ipinahayag ni Zhang Ming, Embahador ng Tsina sa EU na ang pagdaraos ng China International Import Expo (CIIE) ay nagsisilbing hakbang ng Tsina sa ibayong pagbubukas ng bansa sa pamilihang pandaigdig.
Sinabi ni Zhang na sa harap ng hamong dulot ng proteksyonismong pangkalakalan, ang nasabing ekspo ay hindi lamang makakatulong sa pagpapasulong ng pagkabalanse ng kalakalan ng Tsina, pagpapabuti ng estruktura ng pagsuplay, at pagpapataas ng kalidad ng pambansang kabuhayan, kundi maging sa pagpapatibay ng ekspektasyon ng pamilihang pandaigdig. Aniya, ito ay nagpapakita ng kompiyansa at determinasyon ng Tsina sa patuloy na paggiit ng pagbubukas sa labas.