Hinggil sa CRIHinggil sa Serbisyo Filipino
   

Ika-3 pulong ng mekanismo ng bilateral na pagsasanggunian ng Tsina at Pilipinas sa isyu ng SCS, ginanap sa Beijing

(GMT+08:00) 2018-10-18 16:43:39       CRI

Huwebes, Oktubre 18, 2018, idinaos sa Beijing ang ika-3 pulong ng mekanismo ng bilateral na pagsasanggunian ng Tsina at Pilipinas sa isyu ng South China Sea (SCS). Magkahiwalay na pinamunuan nina Kong Xuanyou, Pangalawang Ministrong Panlabas ng Tsina, at Enrique Manalo, Pangalawang Kalihim ng Ugnayang Panlabas ng Pilipinas ang mga delegasyon ng dalawang bansa. Positibong pagtasa ang ibinigay ng kapuwa panig sa mga natamong positibong bunga sapul nang itatag ang mekanismong ito.

Ipinahayag ni Kong na sa pamamagitan ng naturang mekanismo, maayos na nakokontrol ng magkabilang panig ang alitan, napapasulong ang pragmatikong kooperasyon sa naturang karagatan, at walang humpay na napapahigpit ang pag-uugnayan at pagtitiwalaan. Natamo aniya ng Tsina't Pilipinas ang mga positibong progreso at bunga sa maraming aspekto. Nakahanda ang Tsina, kasama ng Pilipinas, na pasulungin ang maalwang pagdaraos ng mga susunod pang pulong, ibayo pang pangangasiwaan ang kalagayang pandagat, at pasusulungin ang kooperasyon sa bagong antas, dagdag pa ni Kong.

Lubos namang hinangaan ni Manalo ang natamong bunga ng nasabing mekanismo. Aniya, sa aspekto ng bukas at matapat na pag-uugnayan sa isyu ng South China Sea, ang mekanismong ito ay nagsisilbing isang napakagandang halimbawa na dapat pamarisan. Buong tatag aniyang kinakatigan ng panig Pilipino ang pagkakaroon ng Code of Conduct (CoC) in the South China Sea sa lalong madaling panahon. Mahigpit na makikipagtulungan ang Pilipinas sa panig Tsino, para maigarantiyang makapagdudulot ng kapakinabangan para sa iba't ibang bansa sa rehiyong ito ang CoC.

Kalahok sa pulong ang mga kinatawan ng mga departamento ng tanggulang bansa, pangangalaga sa likas na yaman at kapaligiran, industriya ng pangingisda, transportasyon, enerhiya, tanod baybayin, at iba pa ng dalawang bansa.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>