Ipinahayag Lunes, Oktubre 22, 2018 ni Zhao Jun, Kalihim ng Komite ng Partido Komunista ng Tsina sa Qinzhou University na namamahala sa gawaing preparatoryo ng pagtatatag ng Beibu Gulf University, na sa kasalukuyan, natapos na sa kabuuan ang mga takdang gawain. Aniya, sa hinaharap, puspusang sasanayin ng Beibu Gulf University ang mga application-oriented talent tungo sa Association of Southeast Asian Nations (ASEAN).
Zhao Jun, Kalihim ng Komite ng Partido Komunista ng Tsina sa Qinzhou University, habang kinakapanayam ng mga mamamahayag
Ani Zhao, ang Beibu Gulf Universtiy ay binabalak na itatag batay sa Qinzhou University. Sa hinaharap, ipapauna nito ang pagsasanay ng mga talento sa mga aspektong gaya ng pananaliksik sa dagat, transportasyong pandagat, edukasyong pandaigdig, lengguwahe ng mga bansang ASEAN, at iba pa.
Kampus ng Qinzhou University
Isinalaysay pa niyang itinatag ng Beibu Gulf University ang relasyon sa pagpapalitan at pagtutulungan sa mahigit 40 unibersidad ng mahigit 20 bansa't rehiyon, na kinabibilangan ng Biyetnam, Thailand, at Malaysia, at tatanggapin ang mga estudyante mula sa mahigit 40 bansa't rehiyon na kinabibilangan ng mga bansang ASEAN.
Salin: Vera
