Sa paanyaya ng pamahalaan ng Palestina, dumalaw Oktubre 23, 2018, si Wang Qishan, Pangalawang Pangulo ng Tsina sa Palestina, at kinatagpo siya ni Rami Hamdallah, Punong Ministro ng Palestina.
Tinukoy ni Wang na ang Tsina ay isa sa mga bansang pinakamaagang kumilala sa Palestine Liberation Organization(PLO) at Estado ng Palestina. Aniya, kumakatig ang Tsina sa paglutas sa mga hidwaan ng Palestina at Israel sa pamamagitan ng mapayapang talastasan. Ipinahayag din ni Wang na winiwelkam ng Tsina ang paglahok ng Palestina sa Belt and Road Initiative (BRI), at nakahanda itong patuloy na magbigay ng tulong sa pag-unlad ng bansa.
Ipinahayag naman ni Hamdallah ang pasasalamat ng Palestina sa pagkatig ng Tsina. Aniya, nakahandang palalimin ng kanyang bansa ang kooperasyon sa proseso ng mga kasamang pagpapasulong ng BRI para sa komong kasaganaan.
salin:Lele