Hinggil sa CRIHinggil sa Serbisyo Filipino
   

Entrepreneurship seminar, business meeting, idaraos ng DTI sa China expo

(GMT+08:00) 2018-10-25 11:00:19       CRI

Sa sidelines ng kauna-unahang China International Import Expo (CIIE) na gaganapin sa Shanghai mula Nobyembre 5 hanggang Nobyembre 10, 2018, idaraos ng Kagawaran ng Kalakalan at Industriya (DTI) ang entrepreneurship seminar at business roundtable meeting. Layon nitong patingkarin ang paglahok ng Pilipinas sa pinakamalaking ekspong pangkalakalan ng daigdig.

Bilang nangungunang ahensya ng delegasyon ng Pilipinas sa CIIE, ang DTI, sa pamumuno ni Kalihim Ramon Lopez ay magpapasulong ng kalakalan ng bansa at pakikipag-ugnayang pang-negosyo sa Tsina.

Upang maisakatuparan ang nasabing layunin, idaraos ng DTI ang seminar na "Trabaho, Negosyo, Kabuhayan (TNK)" sa unang araw ng gaganaping CIIE. Layon nitong hikayating pumasok at magtayo ng sariling negosyo ang mga Pilipino na nakabase sa Shanghai at magkaloob ng tulong sa mga overseas Filipino investor (OFI) sa pagkuha ng impormasyon, network ng suppliers at resources.

Ayon sa Philippine Trade and Investment Center (PTIC) Shanghai, sa kasalukuyan, may mahigit 7,000 Pilipino na nagtatrabaho sa Shanghai at mga malapit na probinsya.

Kasabay nito, sa pamamagitan ng Board of Investments (BOI), magdaraos din ang DTI ng isang business roundtable meeting sa Nobyembre 6, 2018, kung saan si Kalihim Lopez ng DTI ay magpapakilala sa mga business leader na Tsino hinggil sa mga bentahe sa pagnenegosyo sa Pilipinas.

Ang nabanggit na TNK at business roundtable meeting, kasama ng business matching sa pagitan ng mga mangangalakal na Pilipino at Tsino, ay nasa magkakasamang pagtataguyod ng mga PTIC sa Shanghai, Beijing, at Guangzhou. Ang mga ito ay ilan lamang sa mga networking opportunity na gaganapin sa CIIE.

National Exhibition and Convention Center ng Shanghai, main venue ng CIIE

Salin: Jade
Pulido: Rhio
PR courtesy PTIC-Beijing
Photo credit: IC/Xinhua

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>