Sa panayam ng China Radio International, kahapon, Lunes, ika-5 ng Nobyembre 2018, sa Shanghai, binigyan ng positibong pagtasa ni Helmy Yahya, President Director ng TVRI, pambansang telebisyon ng Indonesya, ang talumpati ni Pangulong Xi Jinping ng Tsina sa seremonya ng pagbubukas ng unang China International Import Expo.
Ayon kay Yahya, sinabi ni Pangulong Xi, na ang kabuhayang Tsino ay parang karagatan, sa halip na lawa; at ang lawa ay pinaaapaw ng bagyo, at ang karagatan ay hindi. Ipinalalagay ni Yahya, na sa pamamagitan ng metaphor na ito, ipinakikita ni Xi sa daigdig ang pinakamalakas na kompiyansa sa kabuhayang Tsino.
Sinabi rin ni Yahya, na ilang beses na binanggit ni Xi na hinding hindi hihinto ang reporma at pagbubukas sa labas ng Tsina. Ito aniya ay malinaw na palatandaan para sa ibayo pang pagbubukas ng bansa.
Salin: Liu Kai