Sa kanyang talumpati sa Porum na Pangkapayapaan ng Paris na binuksan Nobyembre 11, 2018 sa Paris, Pransya, ipinahayag ni Pangkalahatang Kalihim Antonio Guterres ng United Nations (UN) ang pag-asang igigiit ng komunidad ng daigdig ang multilateralismo para harapin ang mga pandaigdigang hamong kinabibilangan ng di-pagkakapantay ng lipunan, pagkalat ng sandatang nuklear, pagbabago ng klima at iba pa.
Ang nasabing porum ay inisponsor ni Pangulong Emmanuel Macron ng Pransya para pasulungin ang multilateral na kooperasyon ng daigdig. Dumalo sa kasalukuyang porum sina Pangulong Macron, Chancellor Angela Merkel ng Alemanya, Pangulong Vladimir Putin ng Rusya, at mga lider ng ibang bansa.