Hinggil sa CRIHinggil sa Serbisyo Filipino
   

Premyer Tsino at pangulo ng Singapore, nagtagpo; bilateral na relasyon, isusulong

(GMT+08:00) 2018-11-14 21:33:03       CRI
Kinatagpo ngayong hapon ni Pangulong Halimah Yacob ng Singapore si dumadalaw na Premyer Li Keqiang ng Tsina. Nakahanda ang dalawang lider na ibayo pang pasulungin ang relasyong Sino-Singaporean para magkaroon ito ng mas malaking progreso sa bagong panahon.

Sina Premyer Li  (kaliwa) at Pangulong Yacob (kanan)

Sinabi ni Premyer Li na pinahahalagahan ng Tsina't Singapore ang tradisyonal na pagkakaibigan ng dalawang bansa, at batay rito, madalas ang pagdadalawan sa mataas na antas, mahigpit ang pagpapalitan ng mga mamamayan, at lumalawak ang mga pragmatikong pagtutulungan ng dalawang bansa. Nakikinabang dito ang mga mamamayan ng magkabilang panig, dagdag ni Li. Pinasalamatan ng premyer Tsino ang positibong papel na ginampanan ng Singapore bilang bansang tagapagkoordina sa pagitan ng Tsina at Association of Southeast Asian Nations (ASEAN). Nakahanda aniya ang Tsina na patuloy na magsikap, kasama ng Singapore, para ibayo pang mapasulong ang relasyon ng Tsina't ASEAN at magbigay ng bagong ambag para sa kapayapaang panrehiyon at pandaigdig.

Sinabi naman ni Yacob na 40 taon na ang nakakaraan, nagsimula ang Tsina ng reporma't pagbubukas sa labas. Bunga nito, tumahak ang Tsina sa landas ng mabilis na pag-unlad, at nakalikha rin ito ng bagong simula ng ugnayang Sino-Singaporean. Sa biyahe ni Li sa Singapore, nilagdaan ng dalawang bansa ang mahigit 10 kasunduang pangkooperasyon, na kinabibilangan ng pag-a-upgrade ng kasunduan ng malayang kalakalan, saad ni Yacob. Nagkasundo rin ang dalawang bansa na kasabay ng maalwang pag-unlad ng mga pangunahing proyekto sa pagitan ng dalawang pamahalaan, gagalugarin pa nila ang bagong larangan ng pagtutulungan, at palalalimin ang kooperasyon sa kultura at turismo, para mapatatag ang pundasyon ng bilateral na relasyon, dagdag pa ni Yacob. Ipinahayag din ng pangulo ng Singapore ang kahandaan ng kanyang bansa na magsikap, kasama ng Tsina, para mapasulong ang pagtutulungan sa pagitan ng Tsina't ASEAN.

Salin: Jade
Larawan: Xinhua

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>