Pagkaraan ng kanyang dalaw-pang-estado sa Pilipinas, lumisan kaninang tanghali, Miyerkules, ika-21 ng Nobyembre 2018 ng Maynila, si Pangulong Xi Jinping ng Tsina, pabalik sa bansa.
Kaugnay ng pagdalaw na ito, sinabi ni Wang Yi, Ministrong Panlabas at Kasangguni ng Estado ng Tsina, na mayroon itong tatlong mahalagang bunga, na pagpapataas ng lebel ng relasyong Sino-Pilipino, pagpapalawak ng mga pragmatikong kooperasyon, at pagpapatuloy ng tradisyonal na pagkakaibigan.
Dagdag niya, ipinakikita ng pagdalaw na ito, na ang pagkakaibigan at pagtutulungan ay pangunahing tunguhin ng relasyong Sino-Pilipino, at ito rin ang tamang landas na angkop sa interes ng kapwa bansa at kani-kanilang mga mamamayan. Aniya, sa pamamagitan ng paggigiit sa pagkakaibigan, pagtatakda ng target sa komong kaunlaran, at maayos na paghawak ng pagkakaiba, ang South China Sea ay maitatatag bilang karagatan ng kapayapaan, pagkakaibigan, at pagtutulungan, at pasusulungin din ang katatagan, kaunlaran, at kasaganaan ng kapwa bansa at rehiyong ito.