Hinggil sa CRIHinggil sa Serbisyo Filipino
   

CRI Komentaryo: Susunod na 90 araw, mahalaga para sa kapwa Tsina at Amerika

(GMT+08:00) 2018-12-04 17:33:21       CRI
Sa kanilang pagtatagpo kamakailan sa Buenos Aires, Argentina, sinang-ayunan nina Pangulong Xi Jinping ng Tsina at Pangulong Donald Trump ng Amerika, na pansamantalang itigil ang mga hakbangin na magpapalala ng alitang pangkalakalan ng dalawang bansa, at gagamitin ang susunod na 90 araw sa hinaharap, para marating ang kasunduan hinggil sa pagkansela sa mga karagdagang taripa na ipinataw sa isa't isa.

Ang pagsuspendi ng mga lider ng Tsina at Amerika sa kasalukuyang alitang pangkalakalan ng dalawang bansa ay matalino at paborableng desisyon para sa kapwa panig. Walang alinmang panig ang nakinabang sa digmaang pangkalakalan nitong mahigit 8 buwang nakalipas. Pinatawan ng karagdagang taripa ang mga panindang Tsino na iniluwas sa Amerika. Pero, lumaki pa rin ang depisit sa kalakalan ng paninda ng Amerika, at hindi rin naisakatuparan ang target ng panig Amerikano na hikayatin pabalik sa bansa ang mga trabaho at pamumuhunan. Sa isang panayam noong Oktubre 14 sa Columbia Broadcasting System, kahit sinabi ni Trump, na ang nagaganap sa pagitan ng Amerika at Tsina ay maliit na hidwaan, sa halip na digmaang pangkalakalan, at isinasaalang-alang niyang pahupain ang hidwaang ito.

Ang naturang 90 araw ay masusi para sa kapwa Tsina at Amerika. Kung mararating ng dalawang bansa ang kasunduan, ito ay magiging isang mahalagang bunga at mabuti ito sa lahat ng panig. Kung hindi, posibleng sumiklab ang bagong round ng digmaang pangkalakalan ng Tsina at Amerika, at magdudulot ito ng mas maraming elementong kawalang-katatagan sa kapwa bansa at daigdig.

Pero sa katotohanan, ang 90 araw ay hindi mahaba at medyo mahigpit para sa pagsasanggunian sa masalimuot na alitang pangkalakalan ng Tsina at Amerika. Sa harap ng mga kahirapan, buong sikap na makikipagtalastasan ang Tsina sa Amerika, batay sa pangkalahatang target sa pangangalaga sa komong interes ng kapwa bansa at kaayusan ng pandaigdig na kalakalan. Umaasa rin ang Tsina, na ipapakita naman ng Amerika ang parehong atityud, at isasagawa ng dalawang bansa ang pagsasanggunian, batay sa pagkakapantay-pantay, mutuwal na kapakinabangan, paggagalangan, at buong katapatan, para maayos na hawakan ang mga pagkakaiba, at malutas ang alitang pangkalakalan.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>