Hinggil sa CRIHinggil sa Serbisyo Filipino
   

Diyalogo ng Tsina't Amerika sa pagpapatupad sa batas at karapatang pantao, ipininid sa Beijing

(GMT+08:00) 2018-12-07 11:44:54       CRI

Ipininid nitong Miyerkules sa Beijing ang Ika-8 Diyalogo ng Tsina't Amerika hinggil sa Pagpapatupad sa Batas at mga Karapatang Pantao. Mahigit 50 dalubhasa at iskolar mula sa dalawang bansa ang lumahok sa tatlong araw na diyalogo.

Sa kanyang talumpati sa seremonya ng pagbubukas, ipinahayag ni Jiang Jianguo, Pangalawang Puno ng Departamento ng Publisidad ng Komite Sentral ng Partido Komunista ng Tsina (CPC), ang pag-asang ang diyalogo ng dalawang bansa sa larangan ng karapatang pantao ay tatalima sa tunguhin ng panlahat na pag-unlad ng relasyong Sino-Amerikano, igagalang ang pagkakaiba at pantay na mag-uusap, at palalalimin ang kooperasyon at pagtitiwalaan para gumanap ng natatanging papel sa pagpapasulong ng usapin ng karapatang pantao ng dalawang bansa at malusog na pag-unlad ng relasyong Sino-Amerikano.

Sinabi naman ni Stephen A. Orlins, Presidente ng National Committee on U.S.-China Relations na ang taong 2019 ay ika-40 anibersaryo ng pagkakatatag ng relasyong diplomatiko ng Tsina't Amerika. Umaasa aniya siyang ang katatapos na diyalogo ay magdudulot ng positibong impluwensiya sa relasyong Sino-Amerikano. Nanawagan din siya sa pagkakaroon ng kompiyansa sa hinaharap ng pag-unlad ng ugnayan ng dalawang bansa.

Ang nasabing diyalogo na itinatag noong 2009 ay nagsisilbing mahalagang plataporma para sa mga organisasyong di-pampamahalaan ng Tsina't Amerika sa pagpapalitan hinggil sa karapatang pantao at pagpapasulong ng pag-uunawaan.

Sa araw ng pagpipinid, ang mga kinatawang Amerikano ay bumisita sa Supreme People's Court at Beijing Internet Court.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>