Hinggil sa CRIHinggil sa Serbisyo Filipino
   

Chang'e-4 lunar probe, inilunsad ng Tsina; kauna-unahang soft landing ng sangkatauhan sa far side ng buwan, isasagawa

(GMT+08:00) 2018-12-08 09:08:05       CRI

Inilunsad ngayong madaling araw ng Tsina ang Chang'e-4 lunar probe. Inaasahan itong magsasagawa ng kauna-unahang "soft landing" ng sangkatauhan sa "far side" ng buwan at magbubukas ng bagong kabanata sa paggagaludad sa buwan.

Alas 2:23 ngayong madaling araw, napaimbulog ang nasabing probe na may isang lander at isang rover, sa pamamagitan ng Long March-3B rocket, sa Xichang Satellite Launch Center, lalawigang Sichuan sa dakong timog-kanluran ng Tsina.

Ayon sa China National Space Administration (CNSA), kabilang sa mga tungkuling siyentipiko ng Chang'e-4 ay low-frequency radio astronomical observation, pagdedetekta sa pagbuo ng mga mineral at estruktura sa mababaw na bahagi o shallow surface ng buwan, at pag-aaral sa kapaligiran ng "far side" ng buwan sa pamamagitan ng pagsusuri sa neutron radiation at neutral atoms.

Upang mapasulong ang pakikipagtulungang pandaigdig sa programa ng paggagalugad sa buwan, sa mga misyon ng Chang'e 4, nagsagawa na ang Tsina ng apat na scientific payloads na idinebelop ng mga siyentista mula sa Netherlands, Alemanya, Sweden at Saudi Arabia.

Ang programa ng Chang'e-4 na sinimulan noong Enero ng 2016 ay binubuo ng dalawang pangunahing misyon ng paglulunsad ng relay satellite at lunar probe. Nitong nagdaang Mayo 21, inilunsad ng Tsina ang relay satellite na tinaguriang Queqiao o Magpie Bridge sa nakatakdang orbita at maayos ang kalagayan nito ngayon.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>