Sinabi Sabado, Disyembre 15, 2018, ni Fedor Strzhizhovskiy, Tagapagsalita ng Pirmihang Tanggapan ng Rusya sa United Nations (UN), na isinumite na ng panig Ruso ang burador na resolusyon sa Pangkalahatang Asemblea ng UN tungkol sa pagpapanatili ng "Intermediate-Range Nuclear Forces (INF) Treaty."
Ayon naman sa media ng Rusya, sinabi ni Strzhizhovskiy na ang sinadyang pagsuspinde ng Estados Unidos sa proseso ng pagtupad sa nasabing kasunduan, ay magdudulot ng banta sa kasunduan sa hinaharap. Aniya, layon ng pagsusumite ng burador na resolusyon sa UN na manawagan sa iba't-ibang panig na tupdin ang kasunduang ito at lutasin ang mga umiiral na problema sa pamamagitan ng itinatadhanang mekanismo sa kasunduan.
Salin: Li Feng