Ayon sa nakatakdang iskedyul ng Ministri ng Pananalapi ng Tsina, simula ngayong araw, Martes, unang araw ng Enero 2019, isinasagawa ng Tsina ang pansamantalang import tariff sa mahigit 700 uri ng mga paninda. Ang bagong tariff rate ay mas mababa kaysa dating rate, na kinabibilangan ng zero tariff sa ilang uri ng paninda.
Samantala, simula ngayong araw, inalis din ng Tsina ang export tariff sa 94 na uri ng paninda.
Ipinahayag ng may kinalamang eksperto, na ang kasalukuyang pagpapababa ng Tsina ng taripa sa mga aangkatin at iluluwas na paninda ay konkretong hakbangin ng ibayo pang pagpapalawak ng pagbubukas sa labas, at ito rin ay positibong ambag para sa pagpapasulong ng globalisasyon at integrasyong pangkabuhayan.
Salin: Liu Kai