Nagpadala ng mensahe kahapon, Huwebes, ika-3 ng Enero 2019, si Wang Yi, Ministrong Panlabas at Kasangguni ng Estado ng Tsina, kay Teodoro Locsin, Kalihim ng Ugnayang Panlabas ng Pilipinas, kaugnay ng pagdulot ng bagyong Usman ng malaking kasuwalti at kapinsalaan sa Pilipinas.
Ipinahayag ni Wang ang pakikidalamhati sa mga nabiktima, at pakikiramay sa mga nasugatan at kani-kanilang mga kamag-anakan. Nakahanda aniya ang panig Tsino, na magkaloob, sa abot ng makakaya, ng mga kinakailangang tulong sa panig Pilipino.
Ipinahayag din ni Wang ang pananalig, na sa ilalim ng pagsisikap ng pamahalaang Pilipino, mapagtatagumpayan ng mga apektadong mamamayang Pilipino ang kahirapan, at mapapanumbalik sa lalong madaling panahon ang normal na pamumuhay.
Salin: Liu Kai