Magsisimula sa ika-21 ng Enero hanggang unang araw ng Marso ang Chinese New Year travel rush. Ayon sa video conference na idinaos Enero 7 sa Beijing ng iba't ibang departamento ng Tsina, sa 40-araw na okasyong ito, tinatayang 2.99 bilyong katao ang maglalakbay sa buong bansa, sa pamamagitan ng haywey, daambakal, water transport, eroplano, at iba pa. Ang bilang na ito ay lumaki ng 0.6% kumpara noong isang taon.
Sa mahabang bakasyon ng Chinese New Year o Spring Festival, pinakamahalagang tradisyonal na kapistahan ng Tsina, maraming Tsino ang pupunta sa probinsya para sa family reunion at babalik sa kani-kanilang kasalukuyang lugar na pinaninirahan. Marami ring tao ang pupunta sa ibang lugar para sa pamamasyal.
Salin:Lele