Natagpo Enero 16, 2019, sa Cairo, Ehipto sina Yang Jiechi, Espesyal na Sugo ni Pangulong Xi Jinping ng Tsina at Abdel Fattah al-Sisi, Pangulo ng Ehipto.
Ipinahayag ni Yang na layon ng kanyang pagdalaw bilang espesyal na sugo ni Pangulong Xi ay isakatuparan ang mahalagang komong palagay ng mga lider ng dalawang bansa. Umaasa aniya ang Tsina na pananatilihin ng dalawang panig ang tunguhin ng pagpapalitan sa mataas na antas, walang humpay na pahihigpitin ang pagtitiwalaang pulitikal, at patuloy na kakatigan ang isa't isa sa mga isyung may kinalaman sa nukleong interes ng dalawang panig. Aniya pa, dapat pahigpitin ang kooperasyon sa ilalim ng Belt and Road Initiative (BRI).
Ipinahayag naman ni Pangulong al-Sisi na nakahanda ang Ehiptong patuloy na isakatuparan ang komong palagay ng mga lider ng dalawang bansa, pasulungin ang konstruksyon ng BRI, palalimin ang koordinasyon sa mga multilateral na suliranin, at walang humpay na pahigpitin ang komprehensibong estratehikong partnership.
Salin:Lele