Aabot sa 2.99 bilyong biyahe ang inaasahang gagawin ng mga mamamayang Tsino sa panahon ng Chunyun, travel rush ng Pestibal ng Tagsibol o Chinese New Year, pinakamahalagang kapistahan ng Nasyong Tsino. Sa taong 2019, ang 40 araw na Chunyun ay tatagal mula Enero 21 hanggang Marso 1. Ang Chinese New Year sa taong ito ay natatapat sa Pebrero 5 sa taong ito.
Sa preskon ngayong araw, sinabi ni Lian Weiliang, Pangalawang Puno ng National Development and Reform Commission (NDCR) na ang nasabing bilang ng biyahe ay mas mataas ng 0.6% kumpara sa taong 2018.
Dagdag ni Lian, tinatayang aabot sa 2.46 na bilyon ang biyahe sa lansangan, na mas mataas ng 0.8 % kumpara sa 2018. Samantala, aabot sa 413 milyon ang biyahe sakay ng tren, na mas mataas ng 8.3% kumpara sa 2018. Kasabay nito, ang biyaheng panghimpapawid ay inaasahang aabot sa 73 milyon, na mas mataas ng 12% kumpara sa taong 2018.
Salin: Jade
Pulido: Rhio