Sa kanyang paglahok kahapon, Miyerkules, ika-23 ng Enero 2019, sa taunang pulong ng World Economic Forum (WEF) na idinaraos sa Davos, Switzerland, sinabi ni Pangalawang Pangulong Wang Qishan ng Tsina, na dapat buuin ang pandaigdig na estruktura sa panahon ng ika-4 na industrial revolution, batay sa pananaw ng mas maliwanag na kinabukasan ng buong sangkatauhan.
Dagdag ni Wang, ang inobasyong panteknolohiya ay pangunahing elemento sa ika-4 na industrial revolution. Dapat aniyang buuin ang mainam na sistema ng tuntunin at balangkas ng kooperasyong pandaigdig, para makinabang dito ang lahat ng mga mamamayan.
Salin: Liu Kai