Bilang pinakahuling pagsisikap ng Tsina para sa pagbubukas sa labas ng sektor na pinansyal, pinayagan ng bansa ang pagpasok ng S&P Global Inc. sa credit rating market nito.
Ito ang ipinatalastas nitong Lunes, Enero 28, ng People's Bank of China (PBOC), Bangko Sentral ng bansa. Ayon sa patalastas, ang Operations Office ng PBOC ay tumanggap ng pagpapatala ng buong sarilinang aring sangay ng nasabing kompanyang Amerikano na nakabase sa Beijing, samantalang ang National Association of Financial Market Institutional Investors ay tumanggap ng rehistrasyon ng sangay ng S&P Global Inc. para magsagawa ng bond rating business sa inter-bank bond market ng Tsina.
Noong 2018, sampung hakbangin, na gaya ng pagpapahupa sa restriksyon sa pagmamay-ari at pagpasok ng mga kompanyang dayuhan sa mga niche market, ang inilabas ng Tsina para ibayo pang buksan ang sektor pinansyal ng bansa.
Salin: Jade
Pulido: Mac