Martes, Enero 29, 2019, nagpadala ng mensahe si Wang Yi, Kasangguni ng Estado at Ministrong Panlabas ng Tsina, kay Teodoro Lopez Locsin, Kalihim ng Kagawaran ng Ugnayang Panlabas ng Pilipinas, bilang pakikidalamhati sa insidente ng malubhang pagsabog sa Jolo, Sulu.
Anang mensahe, matinding kinokondena ni Wang ang nasabing pag-atake. Nagpahayag din siya ng taos-pusong pakikiramay sa mga nasawi sa pagsabog, at malalimang pakikidalamhati sa mga nasugatan at mga kamag-anakan ng mga nasawi.
Diin ng mensahe, buong tatag na tinututulan ng panig Tsino ang lahat ng mga porma ng terorismo, at nakahandang palakasin, kasama ng panig Pilipino, ang kooperasyon laban sa terorismo, upang mapangalagaan ang kapayapaan at katatagan ng rehiyon at buong daigdig.
Salin: Vera