Binuksan ngayong araw, Miyerkules, ika-30 ng Enero 2019, sa Beijing ang pulong ng Tsina, Amerika, Rusya, Britanya at Pransya, limang bansang may nuklear ayon sa Treaty on the Non-proliferation of Nuclear Weapons (NPT). Ang mga pangunahing paksa ng pulong ay sumasaklaw sa denuklearisasyon, di-pagpapalaganap ng mga sandatang nuklear, at mapayapang paggamit ng enerhiyang nuklear.
Kaugnay nito, sinabi nang araw ring iyon ni Tagapagsalita Geng Shuang ng Ministring Panlabas ng Tsina, na sa pamamagitan ng pagdaraos ng pulong na ito, ipinakikita ng naturang limang bansa ang mahalaga at positibong signal, na napagtatanto nila ang kasalukuyang mahigpit na mga hamon sa katiwasayang pandaigdig, at nakahanda silang palakasin ang koordinasyon, kontrulin ang pagkakaiba, at magkakasamang harapin ang naturang mga hamon.
Salin: Liu Kai