Ayon sa datos na ipinalabas kamakailan ng Pambansang Kawanihan ng Estadistika ng Tsina, lumaki ng 6.6% noong 2018 ang Kabuuang Halaga ng Produksyong Panloob (GDP) ng Tsina kumpara sa taong nakalipas. Bukod dito, umabot sa tinatayang target ng paglaki ang takbo ng kabuhayan at nagpakita rin ng tunguhin ng matatag na pag-unlad.
Sa news briefing na idinaos Enero 29, 2019, ng Tanggapan ng Inpormasyon ng Konseho ng Estado ng Tsina hinggil sa kasalukuyang tunguhin ng kabuhayan ng bansa, ipinahayag ni Zhang Yansheng, Punong Tagapagsaliksik ng Sentro ng Pagpapalitang Pandaigdig ng Tsina, na kahit humupa ang bilis ng paglaki ng GDP, ang inobasyong pansiyensiya't panteknolohiya ay nagiging bagong tagapagsasulong na puwersa.
Salin:Lele