Hinggil sa CRIHinggil sa Serbisyo Filipino
   

Komentaryo: Tsina't Amerika, nilulutas ang pagkakaiba sa pamamagitan ng talastasan

(GMT+08:00) 2019-02-01 17:22:47       CRI

Natapos nitong Huwebes, Enero 31, local time, sa Washington D.C. ang dalawang araw na talastasang pangkalakalan ng Tsina't Amerika sa mataas na antas. Nagtamo ang katatapos na talastasan ng mahalagang progreso hinggil sa pagbabalanse ng bilateral na kalakalan, paglilipat ng teknolohiya, pangangalaga sa karapatan sa pagmamay-ari ng likhang-isip (IPR), mekanismo ng pagpapatupad, at iba pa.

Sumang-ayon ang dalawang bansa na pahigpitin ang pagtutulungan sa larangan ng paglilipat ng teknolohiya. Pag-iibayuhin din ng Tsina ang pag-aangkat ng mga paninda mula sa sektor ng agrikultura, enerhiya, industriya ng paggawa, serbisyo ng Amerika para matugunan ang pangangailangan ng mga mamamayang Tsino.

Nagpasiya ang magkabilang panig na idaos ang bagong round ng talastasan sa kalagitnaan ng buwang ito, sa Beijing.

Pagkatapos ng talastasan, kinatagpo ni Pangulong Donald Trump ng Estados Unidos si Liu He, Pangalawang Premyer at punong koordinador ng Tsina sa nasabing talastasan. Kinilala ng magkabilang panig ang mga natamong bunga ng katatapos na talastasan. Umaasa anila silang mararating ang kasunduang pangkalakalan na makakabuti sa kapuwa panig sa lalong madaling panahon.

Masasabing nakamtan ng Tsina't Amerika ang pinakahuling progreso sa paglutas sa alitang pangkalakalan na may win-win result na bunga ng katapatan at paggagalangan ng magkabilang panig. Sa talastasan, kapuwa ipinahayag ang kani-kanilang pagkabahala at batay rito, buong sikap na hinanap ng magkabilang panig ang komong interes sa iba't ibang paksa. Kung itutuloy ng dalawang bansa ang ganitong paraan, magkakaroon sila ng mga bagong pagkakataon para sa komong kaunlaran.

Salin: Jade
Pulido: Mac

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>