Nanning, Rehiyong Awtonomo ng Guangxi ng Tsina—Ipinahayag Lunes, Pebrero 18, 2019 ni Ding Yuanlong, Pangalawang Pangkalahatang Kalihim ng Sekretaryat ng China ASEAN Business and Investment Summit (CABIS), na sa taong 2019, pasusulungin ng kanyang sekretaryat ang reporma at pag-a-upgrade ng CABIS, at idaragdag ang isang serye ng mga porum sa mataas na antas. Buong taon tatagal ang kaukulang aktibidad.
Dagdag pa ni Ding, binabalak nilang buuin ang komisyong konsultatibo ng mga dalubhasang pambatas sa mga suliraning komersyal ng Tsina at ASEAN, ibayo pang palalawakin ang mga larangan ng pagpapalitan ng kapuwa panig, at itatatag ang plataporma ng diyalogo at kooperasyong pulitikal at komersyal ng Tsina at ASEAN sa mataas na antas.
Salin: Vera