Ipinahayag Sabado, Marso 2, 2019 sa Beijing ni Guo Weimin, Tagapagsalita ng Ika-2 Sesyon ng Ika-13 Pulitikal na Konsultatibong Kapulungan ng mga Mamamayang Tsino (CPPCC), na sapul nang iharap ang Belt and Road Initiative noong 2013, aktibong tinugon ito ng iba't ibang panig. Hanggang noong katapusan ng 2018, mahigit 100 bansa at organisasyong pandaigdig ang aktibong sumuporta at sumali sa konstruksyon ng Belt and Road, at nagtamo ng bunga ang isang pangkat ng mga pangunahing proyekto, bagay na nakapagpasulong sa pag-unlad ng kabuhayan sa lokalidad, at mainit na tinatanggap ito ng parami nang paraming bansa sa kahabaan ng Belt and Road.
Winika ito ni Guo sa unang news briefing ng Ika-2 Sesyon ng Ika-13 CPPCC.
Idaraos sa Beijing sa April ang ika-2 Belt and Road Forum for International Cooperation (BRF). Kaugnay nito, saad ni Guo, pasusulungin ng Tsina, kasama ng mga kaukulang bansa, ang konstruksyon ng Belt and Road sa bagong antas.
Salin: Vera