Hinggil sa CRIHinggil sa Serbisyo Filipino
   

Mga ministro ng Tsina, inilahad ang mga konkretong hakbangin ng Tsina sa pagpapaibayo ng pagbubukas

(GMT+08:00) 2019-03-13 15:37:23       CRI

Sa panahon ng mga taunang sesyon ng Pambansang Kongresong Bayan (NPC) at Pulitikal na Konsultatibong Kapulungan ng mga Mamamayang Tsino (CPPCC), nagiging pokus ang mga paksa ng ibayo pang pagpapalawak ng pagbubukas, at pagpapasulong sa kooperasyong pandaigdig sa iba't ibang larangan, sa pamamagitan ng magkakaibang hakbangin. Nitong nakalipas na ilang araw, isinalaysay ng mga ministro ng pamahalaang Tsino ang mga konkretong hakbangin sa pagbubukas at kooperasyon sa iba't ibang larangan.

Si Wang Zhigang, Ministro ng Siyensiya't Teknolohiya ng Tsina

Ayon kay Wang Zhigang, Ministro ng Siyensiya't Teknolohiya ng Tsina, hinihimok at kinakatigan ng bansa ang magkasamang pagtatatag ng mga organo ng pananaliksik ng mga kaukulang bansa sa Belt and Road ng magkasanib na laboratoryo. Sinimulan o tinatalakay aniya ng Tsina, kasama ng 8 bansang kinabibilangan ng Pilipinas at Indonesya, ang pagtatatag ng parkeng pansiyensiya't panteknolohiya, itinatag nila ng Association of Southeast Asian Nations (ASEAN), Timog Asya, mga bansang Arabe, Gitnang Asya at Gitnang Silangang Europa ang 5 rehiyonal na platapora ng paglilipat ng teknolohiya, at iniorganisa ang biyahe ng mga kabataang siyentipiko ng Timog Asya at ASEAN sa Tsina.

Si Qian Keming, Pangalawang Ministro ng Komersyo ng Tsina

Sinabi naman ni Qian Keming, Pangalawang Ministro ng Komersyo ng Tsina, na palagiang tinututulan ng Tsina ang anumang porma ng proteksyonismo, at ayaw nitong makita ang pagmamalabis sa mga hakbanging panseguridad, at paglatag ng hadlang sa normal na pamumuhunan. Nakahanda aniya ang Tsina, kasama ng mga kaukulang bansa, na magkasamang likhain ang hayagan, malinawag, at maginhawang kapaligirang pangnegosyo sa mga mamumuhunan, at pasulungin ang pagtatatag ng bukas na kabuhayang pandaigdig.

Salin: Vera

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6392061806XX: Pagdalaw ni Dalai sa Taiwan hindi makakatulong sa pagkakaisa ng Taiwan at mainland. Dapat lumayo siya rito.
More>>