Hinggil sa bagong impormasyon kaugnay ng Ethiopian Airlines incident, ipinahayag Marso 13, 2019 sa regular na preskon sa Beijing ni Lu Kang, Tagapagsalita ng Ministring Panlabas ng Tsina, na sinusubaybayan ng Ministring Panlabas at Embahada ng Tsina sa Ethiopia ang mga progreso ng kalagayan, at bibigyang-tulong ang mga pamilya ng walong nasawing pasaherong Tsino. Sinabi niyang naitatag na ng Embahadang Tsino sa Ethiopia ang pakikipag-ugnay sa mga employer at pamilya ng walong nasawing mamamayang Tsino para paayusin ang kanilang biyahe sa Ethiopia. Samantala, binuksan ng Embahadang Tsino ang 3 hotlines at isang tanggapang tagapag-ugnay sa hotel malapit sa paliparan para bigyang-tulong ang naturang mga pamilya. Aniya, natuklasan na ang dalawang black box ng eroplano, at kasalukuyang isinasagawa ang mga may-kinalamang imbestigasyon.