Nairobi, Kenya — Ipininid Biyernes, Marso 15, 2019, ang limang araw na Ika-4 na United Nations (UN) Environment Conference.
Sa pinal na pahayag na inilabas sa pulong, ipinahayag ng mga Ministro ng Kapaligiran mula sa mahigit 170 kasaping bansa ng UN, ang kanilang pagkatig sa pagharap sa mga hamon sa kapaligirang gaya ng pagbabago ng klima, sa pamamagitan ng inobasyon.
Tumagal ang nasabing pulong mula Marso 11 hanggang 15 na dinaluhan ng mahigit 4700 pulitiko, personaheng komersyal, at mga kinatawan mula sa organong di-pampamahalaan. Tinalakay nila ang malikhaing kalutasan tungkol sa kapaligian at sustenableng pag-unlad.
Salin: Li Feng