Nakatakdang idaos ng Tsina ang Ika-2 Summit sa Digital Development mula Mayo 6 hanggang 8, sa Fuzhou, punong lunsod ng Fujian sa dakong timog ng Tsina. Inaasahang lalahok dito ang mga kinatawan mula sa mga organisasyong pandaigdig, multinasyonal na bahay-kalakal, dayuhang bahay-kalakal na nakabase sa Tsina, think tank, at iba pa.
Ito ang ipinatalastas ni Yang Xiaowei, Pangalawang Puno ng Cyberspace Administration sa preskon ng Konseho ng Estado, gabinate ng Tsina nitong Martes, Abril 2, sa Beijing.
Dagdag pa ni Yang, ang gaganaping summit ay magsisilbing plataporma ng pagpapalitan at pagtututulungan, kung saan ibabahagi ng Tsina ang karanasan nito sa pagpapaunlad ng "Digital China" at pasusulungin ang pandaigdig na kooperasyon hinggil sa digital development.
Salin: Jade
Pulido: Rhio