|
||||||||
|
||
Ang proyektong ito ay ini-sponsor ng pamahalaang Tsino, Bill & Melinda Gates Foundation, at isinagawa ng Chinese Academy of Agriculture Sciences (CAAS).
Sa pulong, isinalaysay ni Li Zhikang, punong siyentista ng proyekto at mananaliksik ng CAAS, na nitong 11 taong nakalipas sapul nang isagawa ang naturang proyekto noong 2008, idinebelop ng mga siyentistang Tsino ang 78 uri ng green super rice. Itinanim aniya ang mga ito sa mahigit 6 na milyong hektaryang bukirin sa 18 bansa sa Asya at Aprika, at nakinabang dito ang mahigit 1.6 milyong pamilya ng magsasaka.
Sinabi naman ni Jauhar Ali, Propesor ng International Rice Research Institute (IRRI) na nakabase sa Los Baños, Laguna, na ang green super rice ay mainit na tinatanggap ng mga magsasakang Pilipino. Aniya, hanggang sa kasalukuyan, itinatanim ang green super rice sa halos 1 milyong hektaryang bukirin sa Pilipinas, at ang bawat hektarya ay magdudulot ng halos 200 Dolyares na karagdagang kita para sa mga magsasaka.
Ang green super rice ay tumutukoy sa mga uri ng palay na nangangailangan ng kaunting pesticide, chemical fertilizer, at tubig. Maganda rin ang paglaban nito sa tagtuyot, at malaki ang ani.
Salin: Liu Kai
© China Radio International.CRI. All Rights Reserved. 16A Shijingshan Road, Beijing, China. 100040 |