Sa kanyang pagkikipagtagpo sa delegasyon ng Elders, organisasyong binubuo ng mga dating pandaigdigang pinuno, binigyan-diin ni Pangulong Xi Jinping ng Tsina na ang relasyon ng mga malaking bansa ay may kaugnayan sa katatagan ng buong mondo, at may napakalaking responsibilidad ang mga malaking bansa sa usaping ito. Ang relasyon ng Tsina at Amerika ay isa sa mga pinakamahalagang bilateral na relasyon sa daigdig, aniya pa. Umaasa aniya siyang makokontrol ng Tsina at Amerika ang mga hidwaan, mapapalawak ang kooperasyon, magkasamang mapapaunlad ang relasyong Sino-Amerikano batay sa koordinasyon, kooperasyon at katatagan, at bibigyan ng mas maraming katatagan sa daigdig.
Ito ay pinakahuling pahayag ni Pangulong Xi Jinping tungkol sa relasyong Sino-Amerikano sa harap ng kasalukuyang nagbabagong kalagayan ng daigdig. Ani Xi, ang "responsibilidad" ay isang masusing salita. Dahil ang Tsina at Amerika ay kapuwa pirmihang kasaping bansa ng United Nations Security Council (UNSC) at ang kabuuang halaga ng kabuhayan ng dalawang bansa ay bumubuo ng 40% ng buong daigdig, ang mga ito ay magbibigay ng mahalagang papel sa pagpapasulong ng paglaki ng kabuhayan, pangangalaga ng pandaigdigang kapayapaan at pagharap sa pandaigdigang hamon, diin ni Xi. Dahil dito, ang pagtaas-baba aniyo ng relasyon ng dalawang panig ay lumampas sa saklaw ng bilateral na relasyon, at may impluwensyang pandaigdig.
Mas malaki ang impluwensiya, mas malaki ang responsibilidad, saad ni Xi. Sa kasalukuyan kinakaharap ng daigdig ang bagong pagkakataon ng pag-unlad dulot ng rebolusyong pangsiyensiya't pangteknolohiya at repormang industriyal, pati na ang hamon ng pag-ahon ng proteksyonismo at unilateralismo, paghina ng lakas-panulak sa paglaki ng kabuhayang pandaigdig, at pagtaas ng banta sa seguridad sa di-tradisyonal na larangan. Bilang mga malaking bansa, dapat isabalikat ng Tsina at Amerika ang pagpigil sa panganib at paglikha ng pagkakataon, kasabay ng pagpapa-unlad.
Dapat pigilin ng dalawang bansa ang "sakit" sa bilateral na relasyon. Sa nakaraang pagtatagpo ng mga lider ng Tsina at Amerika sa Argentina, sinang-ayunan nilang magkasamang pasulungin ang relasyon batay sa koordinasyon, kooperasyon at katatagan, at ang pagkukunan ng puwersa ay "pagpigil ng pagkakaiba, at paglawak ng kooperasyon."
Ang Tsina ay pinakamakaling umuunlad na bansa, at hindi pa rin napapawi ang 1.66 milyong mahirap na populasyon ng bansa, pero, hindi pwedeng iwasan ng Tsina ang responsibilidad na pandaigdig, at kailang puspusang gumawa ng mga bagay-bagay na mahalaga para sa nasabing usapin. Bilang pinakamalaking maunlad na bansa, dapat namang isabalikat ng Amerika ang kanyang di-maiiwasang responsibilidad. Sa kasalukuyan, idinaraos ang Ika-9 na Round ng Talastasang Pangkabuhayan at Pangkalakalan sa Mataas na Antas ng Tsina at Amerika sa Washington D.C., at tiyak na ipapakita ng dalawang panig ang mga katangiang "malalaking bansa."
Salin:Lele