Idinaos kahapon, sa Jakarta, kabisera ng Indonesya, ang Ika-20 Pulong ng Association of Southeast Asian Nations (ASEAN)-China Joint Cooperation Committee (ACJCC). Ipinahayag ni Huang Xilian, Embahador ng Tsina sa ASEAN na, lubos na inaasahan ng panig Tsino na lalong pang mararating ang komong palagay kasama ng ASEAN sa Ikalawang Belt and Road Forum for International Cooperation. Dagdag pa niya inaasahan din ng Tsina na maipapaliwanag ang pokus na larangang pangkooperasyon sa hinaharap, mapapasulong ang komunikasyon sa rehiyong ito, at magkakasamang itatag ang BRI na may mataas na kalidad.
Ipinahayag ni Huang na nitong 6 na taong nakalipas sapul nang iharap ni Pangulong Xi Jinping ng Tsina ang BRI, ito ay nagdulot ng malalim at malawak na epekto sa rehiyong ito at buong daigdig. Ang ASEAN ay mahalagang rehiyon ng BRI, at nitong ilang taong nakalipas, ang magkasamang pagkakatatag ng BRI ng Tsina at ASEAN ay nagtamo ng mga positibong bunga sa maraming larangang kinabibilangan ng koryente, komunikasyon at iba pa, saad ni Huang.
Samantala, ipinahayag ng mga kinatawan mula sa Pilipinas, Myanmar, Malaysia, Biyetnam at iba pang bansa na aktibong kinakatigan ng ASEAN ang BRI, at ipinalalgay nilang ito ay nagdulot ng maraming benepisyo para sa mga bansang ASEAN. Ito rin anila ay makakabuti sa komunikasyon at pag-unlad ng kabuhayan at kalakalan sa rehiyong ito. Ang Belt and Road Forum for International Cooperation na idaraos sa huling dako ng buwang ito sa Beijing ay mahalagang plataporma ng pagpapalakas ng kooperasyon ng iba't ibang panig. Nananalig ang mga bansang ASEAN na sa pamamagitan ng magkasamang pagsisikap, tiyak na matatamo ng porum na ito ang mahalagang bunga at magpakaloob ng malakas na puwersang tagapagpasulong para sa magkakasamang pagkakatatag ng BRI at pagpapaunlad ng relasyon ng Tsina at ASEAN.
Salin:Sarah
