Ayon sa estadistikang inilabas ngayong araw, Huwebes, ika-18 ng Abril 2019, sa Beijing, ng State Administration of Foreign Exchange ng Tsina, hanggang noong katapusan ng nagdaang Marso, halos 3.1 trilyong Dolyares ang halaga ng foreign reserve ng bansa, at ang bilang na ito ay mas malaki nang 26 na bilyon kumpara sa halaga noong katapusan ng taong 2018.
Sinabi ng tagapagsalita ng naturang administrasyon, na ipinakikita ng nabanggit na estadistika ang matatag na kalagayan ng pagpasok-labas ng pondo sa Tsina. Aniya, patuloy na pasusulungin ng kanyang adminstrasyon ang pasilitasyon ng transnasyonal na kalakalan at pamumuhunan, at ang ibayo pang pagbubukas ng pamilihan ng foreign reserve ng Tsina.
Salin: Liu Kai