|
||||||||
|
||
Makaraang maganap nitong Linggo ng umaga, Abril 21, 2019 ang pambobomba sa tatlong simbahan at tatlong otel sa Colombo, kabisera ng Sri Lanka, dalawa pang pagsabog ang naganap Linggo ng hapon sa nasabing lunsod. Ayon sa panig pulisya, pumalo na sa 192 ang bilang ng mga nasawi sa serye ng pagsabog na kinabibilangan ng 35 dayuhan, at 470 iba pa ang nasugatan.
Hinimok ni Pangulong Maithripala Sirisena ng Sri Lanka ang mga mamamayan na panatilihin ang pagtitimpi at huwag manalig sa mga impormasyon mula sa di-awtorisadong tsanel. Ipinahayag din niya na kasalukuyang iniimbestigahan ng panig pulisya at militar ang serye ng pagsabog.
Hanggang sa kasalukuyan, wala pang anumang organisasyon ang umaako ng pananagutan sa naturang serye ng pagsabog.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |