Binigyan-diin Abril 22, 2019, ni Geng Shuang, Tagapagsalita ng Ministring Panlabas ng Tsina na matatag na suportado ng Tsina ang pangangalaga ng seguridad at katatagan ng Sri Lanka.
Ayon sa ulat, naganap Abril 21, 2019, ang mga pagsabog sa Colombo, Sri Lanka, na nagdulot ng ilang daang kasuwalti. Ipinahayag ni Geng na nagpadala na ang mga lider ng Tsina ng mesaheng nagpahayag ng kalungkutan sa pagkawala ng maraming buhay at pakikiramay sa mga pamilya ng biktima.
Aniya pa, mahigpit na binibigyang pansin ng Tsina ang mga kaganapan kaugnay ng insidente at ipinahayag ang kahandaang tumulong.
Salin:Lele