Hinggil sa CRIHinggil sa Serbisyo Filipino
   

Premyer Li at Pangulong Duterte, nagtagpo

(GMT+08:00) 2019-04-26 10:17:01       CRI

Nagtagpo kahapon, Huwebes, ika-25 ng Abril 2019, sa Beijing, sina Premyer Li Keqiang ng Tsina at Pangulong Rodrigo Roa Duterte ng Pilipinas.

Sinabi ni Li, na ang Tsina at Pilipinas ay malapit na magkapitbansang nasa magkabilang ibayo ng dagat, at may mahigpit na ugnayan ang kaunlaran at katatagan ng dalawang bansa. Ani Li, nitong tatlong taong nakalipas sapul nang manungkulan si Duterte bilang pangulo, sa pamamagitan ng magkasamang pagsisikap ng dalawang panig, naisakatuparan ang positibong pagbabago at pagtatatag ng relasyong Sino-Pilipino. Sumusulong ngayon aniya ang relasyong ito sa tumpak na landas. Dagdag ni Li, ikinalulugod ng Tsina ang mga bagong tagumpay sa pag-unlad ng kabuhayan at lipunan ng Pilipinas. Ipinahayag niya ang kahandaang palakasin ang pag-uugnayan ng Belt and Road Initiative (BRI) ng Tsina at Build Build Build ng Pilipinas, para palalimin ang pagpapalagayan sa kabuhayan, kalakalan, at pamumuhunan; at pasulungin ang kooperasyon sa iba't ibang proyektong gaya ng konstruksyon ng imprastruktura.

Sinabi rin ni Li, na ang kapayapaan at katatagan sa South China Sea ay angkop sa komong interes ng Tsina, Pilipinas, at iba pang bansa sa rehiyong ito. Kinakatigan aniya ng Tsina ang pagpapatupad ng Pilipinas ng mga tungkulin bilang bansang tagapagkoordina sa relasyon ng Association of Southeast Asian Nations at Tsina. Ipinahayag din niya ang pag-asang matatapos sa lalong madaling panahon ang talastasan hinggil sa Code of Conduct sa South China Sea (COC).

Sinabi naman ni Duterte, na lubos na pinahahalagahan ng Pilipinas ang pagkakaibigan sa Tsina, at nitong ilang taong nakalipas, lubos na lumalakas ang relasyon at kooperasyon ng dalawang bansa batay sa pagtitiwalaan at paggagalangan.

Dagdag ni Duterte, nagbibigay ng ambag ang BRI sa kasaganaan at konektibidad ng buong mundo. Nakahanda aniya ang Pilipinas na palalimin ang pakikipagtulungan sa Tsina sa ilalim ng inisyatibang ito. Sinabi rin niyang sa pamamagitan ng "Build Build Build," lumilikha ang Pilipinas ng mainam na kapaligirang pang-negosyo, at mainit na tinatanggap ang pagpasok ng mga bahay-kalakal na Tsino sa Pilipinas.

Ipinahayag din ni Duterte ang buong tatag na paggigiit ng Pilipinas sa target na pagpapasulong sa South China Sea bilang karagatan ng kapayapaan, pagkakaibigan, at pagtutulungan. Umaasa aniya ang Pilipinas, kasama ng iba't ibang panig, na magsisikap para tapusin sa lalong madaling panahon ang talastasan hinggil sa COC.

Salin: Liu Kai

May Kinalamang Babasahin
Comments
Nagbabagang Paksa
Kompetisyon ng Talento at Kakayahan para sa mga Tagasubaybay sa Buong Daigdig
Pinakahuling Balita
Napiling Artikulo
SMS sa CRI sa 09212572397
6391853476XX: Gusto ko lang mag-hello sa paborito kong istasyon sa SW--ang China Radio International at sa lahat ng announcers ng Filipino Service. Nasa tabi niyo ako lagi.
6392199353XX: Salamat sa Gabi ng Musika at Pop China at sa buong Serbisyo Filipino. Solved ako sa mga padala ninyong CD at DVD ng Chinese Artists.
92041552XX: Happy Easter sa buong staff ng Filipino Service!
6392092449XX: Inspirado ako ngayong makinig sa inyong transmission dahil maganda lagi ang quality ng signal. Thank you for communicating with me via SMS.
6391658006XX: Hello CRI! I would like to give a reception report of CRI Serbisyo Filipino on July 29, 1130-1200 UTC at 12.110 MgHz shortwave listening from Clark, Angeles City, Pampanga. Sinpo: 55443. Lagi akong sumasali sa inyong pakontes at laging akong makikinig. Hope my report would be acknowledged by QSL card. Salamat.
More>>