|
||||||||
|
||
Sa katatapos na International Labor Day, pinahaba ng pamahalaang Tsino sa apat na araw ang bakasyon mula tatlong araw. Ito ang unang pagpapahaba ng nasabing bakasyon nitong sampung (10) taong nakalipas. Sa bakasyong ito, nakita ang masiglang mithiin ng konsumo ng mga mamamayang Tsino.
Ayon sa datos na isinapubliko ng Ministri ng Kultura at Ministri ng Turismo ng Tsina, nitong apat na araw na nakalipas, umabot sa 195 milyong person-time ang mga turista sa iba't-ibang lugar na panturista ng Tsina. Umabot naman sa mahigit 117.6 bilyong Yuan ang consumption expense. Ang nasabing dalawang datos ay magkahiwalay na lumaki ng 13.7% at 16.1% kumpara sa panahon ng International Labor Day ng nagdaang taon.
Sa nasabing bakasyon, lumitaw din ang malaking kakayahan ng konsumo ng mga mamamayang Tsino. Ito ay sanhi ng matatag na paglaki ng pambansang kabuhayan, at patuloy na dumaraming mga positibong elemento sa kabuhayan. Nakapagbigay ang mga ito ng matatag na pundasyon para sa konsumo ng mga mamamayan. Noong unang kuwarter ng kasalukuyang taon, lumaki ng 6.4% ang kabuhayang Tsino kumpara sa gayunding panahon ng nagdaang taon.
Sa unang China International Import Expo (CIIE) noong isang taon, tinukoy ni Pangulong Xi Jinping ng Tsina, na itutugma ng Tsina ang tunguhin ng pagtaas ng konsumo sa loob ng bansa, at magsasagawa ng mas positibong hakbangin para mapadami ang kita ng mga residente, mapalakas ang kanilang kakayahan ng konsumo, at mapalawak ang espasyo ng pag-aangkat.
Salin: Li Feng
| ||||
© China Radio International.CRI. All Rights Reserved. 16A Shijingshan Road, Beijing, China. 100040 |