Inilabas kamakailan ng Kagawaran ng Depensa ng Estados Unidos ang 2019 Report on Military and Security Developments in China. Kaugnay nito, binigyang-diin Lunes, Mayo 6, 2019 ni Geng Shuang, Tagapagsalita ng Ministring Panlabas ng Tsina, na hinimok ng panig Tsino ang panig Amerikano na itakwil ang lipas sa modang kaisipan ng Cold War at zero-sum game, obdyektibo't makatarungang tingnan ang estratehikong intensyon at konstruksyong pandenpensa ng Tsina, at itigil ang paglalabas ng di-responsableng ulat taon-taon.
Dagdag ni Geng, iginigiit ng Tsina ang pagtahak sa landas ng mapayapang pag-unlad at patakarang "depensa lamang." Aniya, patuloy at buong tatag na magpupunyagi ang tropang Tsino para mapangalagaan ang kalayaan, soberanya, at kabuuan ng teritoryo ng bansa, at mapangalagaan din, kasama ng ibang mga bansa, ang kapayapaan at katatagan ng rehiyong Asya-Pasipiko, maging ng buong mundo.
Salin: Vera